Zəfər Günü ilə bağlı Xocalı Rayon İcra Hakimiyyəti tərəfindən hazırlanmışTədbirlər Planına əsasən, rayon icra hakimiyyətinin və TƏBİB-in tabeliyində olan Xocalı Rayon Mərkəzi Xəstəxanasının birgə təşkilatçılığı ilə "44 günlük Vətən savaşında Azərbaycan həkimlərinin əvəzsiz xidmətləri" mövzusunda tədbir keçirilib.
Tədbirdə Xocalı rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Lamiyə Qarayeva, Xocalı Rayon Mərkəzi Xəstəxanasının direktoru Aqil Məmmədov, Ailə Sağlamlıq Mərkəzinin şöbə müdiri Mütalim Cəfərov, xəstəxana kollektivi, şəhid ailələri, Vətən müharibəsi iştirakçıları iştirak edib.
Tədbiri giriş sözü ilə açan Xocalı Rayon Mərkəzi Xəstəxanasının direktoru Aqil Məmmədov Zəfər Günü münasibətilə tədbir iştirakçılarını təbrik edib. Vurğulayıb ki, bu gün ölkəmizin tarixində ən şərəfli, ən əlamətdar bir gündür. Zəfər Günü milli qürur və şərəf tariximizdir, gələcək nəsillər bu qürurverici tariximizi heç zaman unutmayacaq.
Sonda həkimlərimizin Zəfərimizə verdiyi töhfədən bəhs edən videoçarx tədbir iştirakçılarına təqdim olundu.
