Xocalı
rayon ümumtəhsil məktəblərində "20 oktyabr 20 noyabr Uşaq hüquqları
aylığı" çərçivəsində silsilə tədbirlər təşkil olunmuşdur. Belə tədbirlərdən
biri 20.11.2023-cü il tarixdə Xocalı rayon İcra Hakimiyyətinin təşkilatçılığı
ilə Xocalı şəhər 4 saylı tam orta məktəbin akt zalında keçirilmişdir. Tədbirdə
rayon icra hakimiyyəti başçısı aparatının ictimai-siyasi və humanitar məsələlər
şöbəsinin müdir müavini Anar Əliyev, baş məsləhətçi Kənan Quliyev, məktəb rəhbərlikləri
və yuxarı sinif şagirdləri iştirak ediblər.
Tədbirdə
çıxış edən Anar Əliyev və digər natiqlər uşaq hüquqları sahəsində qəbul olunmuş
qanunlar, konvensiyalar, dövlətimiz tərəfindən uşaqların hüquqlarının qorunması
istiqamətində həyata keçirilən mühüm tədbirlərdən, milli xüsusiyyətlərin yad təsirlərə
məruz qaldığı qloballaşan əsrdə uşaqların milli dəyərlər əsasında düzgün tərbiyə
olunması və sağlam mühitdə yetişməsinin əhəmiyyəti barədə ətraflı məlumat
veriblər.
Bildirilib ki, müdrik siyasi lider Heydər Əliyevin yaratdığı və nəsillər üçün miras qoyduğu ənənələr bu gün də uğurla davam etdirilir. Möhtərəm Prezidentimiz cənab İlham Əliyevin, Birinci vitse-prezident hörmətli Mehriban xanım Əliyevanın uşaq hüquqlarının müdafiəsi sahəsində atdığı addımların Azərbaycan uşaqlarının taleyində əhəmiyyətli rol oynayır.
Respublikamız uşaq hüquqlarının təminatı ilə bağlı beynəlxalq sazişlərə, o cümlədən BMT-nin "Uşaq hüquqları haqqında" Konvensiyasına qoşulub. Ölkəmizdə uşaqlar dövlətin və cəmiyyətin daim diqqət mərkəzindədir və uşaq problemlərinin ardıcıl həlli ölkəmizdə bu sahədə həyata keçirilən dövlət siyasətinin prioritet istiqamətlərindən biridir.
Tədbirin
sonunda uşaq hüquqlarından bəhs edən video çarx nümayiş olunub.
