Bu gün “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na uyğun olaraq abadlıq-quruculuq işləri sürətlə və mətəşəkkil formada davam edir. Dövlət Proqramına uyğun olaraq Laçın şəhərində görülən işlər və əhalinin doğma torpaqlarına qayıdışı şanlı qələbəmizin təcəssümü kimi bizi qürurlandırır.
Bildiyiniz kimi, Prezident İlham Əliyev 31 iyul 2023-cü ildə azad
edilmiş ərazilər üzrə şəhər günlərinin təsis edilməsi ilə bağlı Sərəncamına əsasən,
26 avqust Azərbaycanda 26 avqust – “Laçın Şəhəri Günü” təntənə ilə qeyd edildi.
“Laçın Şəhəri Günü”ndə zərbaycan
Respublikasının Prezidenti İlham Əliyev və birinci xanımı Mehriban Əliyeva da
iştirak etdilər. Prezidentimiz İlham Əliyev çıxışının əvvəlində laçınlıları Şəhər
Günü münasibətilə ürəkdən təbrik etmişdir. Cənab Prezident çıxşında
vurğulamışdır ki, indi isə biz Laçını qurub-yaradırıq. Laçına keçən ilin
sentyabr ayında gələndə şəhərin mənzərəsi çox acınacaqlı idi, şəhər demək olar
ki, dağılmış vəziyyətdə idi. Köhnədən qalan, işğaldan əvvəlki dövrə aid olan
bir neçə yöndəmsiz bina mövcud idi. Bildiyiniz kimi, burada Ermənistan dövləti
hərbi cinayət törədərək qanunsuz məskunlaşma aparırdı. Xüsusilə xarici ölkələrdən,
Yaxın Şərqdən erməniləri buraya dəvət edib onları bizim, azərbaycanlıların evlərində
yerləşdirmişdi. Bu, bir daha demək istəyirəm ki, hərbi cinayətdir. Əfsuslar
olsun ki, beynəlxalq təşkilatlar, Ermənistanın havadarları buna göz yumurdular.
Bu, onlar üçün məqbul idi. Çünki Ermənistan dövləti kimi, Ermənistanın xaricdəki
havadarları da hesab edirdilər ki, bu torpaqlar əbədi işğal altında qalmalıdır.
Bizim iradəmiz, bizim gücümüz, bizim yumruğumuz onların da başına dəydi. Çünki
bizim torpağımızda ikinci Ermənistan, ikinci erməni dövlətinin yaradılması təkcə
Ermənistan rəhbərliyinin məhsulu deyildi.
Qarabağın, Şərqi Zəngəzurun dirçəlməsi bizə dost və qardaş olan ölkələri
sevindirir. Türk dövlətlərinin həmrəyliyi mənfur qonşularımızı və onlara
havadar olanları məyus edir. Azərbaycan xalqı döyüş meydanında qələbə əldə edərək
düşmənin başına dəmir yumruq endirdi. Bu zərbədən ayıla bilməyən Ermənistan
siyasət meydanında da rüsvayçı vəziyyətə düşmüşdür.
Çox xoşbəxt xalqıq ki, belə gözəl günləri yaşayırıq. Bir vaxtlar düşmən
tapdağında inildəyən Laçında Cənab Prezidentimizin təbirincə desək,
toy-bayramdır. Xalqımıza yaşatdığı bu qürur dolu sevincli günlər üçün
Prezidentimiz İlham Əliyevə öz dərin minnətdarlığımızı bildiririk. Uca Allah
Prezidentimizi və onun ailəsini qorusun!
Yaşasın Laçın! Yaşasın Azərbaycan!
Səriyyə Camalova,
Xocalı rayon Yaloba kənd tam orta məktəbin müəllimi