Azərbaycanın sədrliyi dövründə Qoşulmama Hərəkatına üzv olan dövlətlər arasında birlik və əlaqə yüksək səviyyəyə qalxıb. Hələ pandemiya dövründə Azərbaycanın sədrliyi ilə Qoşulmama Hərəkatının bir çox təşəbbüslər irəli sürdüyünü və bu təşəbbüslərin BMT səviyyəsində dəstəkləndiyinin şahidi olduq.
Ədalətli vaksin paylanması məsələsi, 30-dan
çox ölkəyə yardım göndərilməsi məhz Azərbaycanın birbaşa dəstəyi və təşəbbüsü
ilə həyata keçirildi. Bununla yanaşı Əlcəzair xalqına qarşı törədilmiş
soyqırımı ilə bağlı cənab prezident İlham Əliyevin tarixi çıxışı dünya gündəmini
zəbt etdi. Azərbaycanın cəsarətli mövqeyini Qoşulmama Hərəkatına üzv olan bütün
dövlətlərin dəstəkləməsi ölkəmizin artan nüfuzundan xəbər verir.
44 günlük Vətən müharibəsinin gedişində iki dəfə
BMT Təhlükəsizlik Şurasında Azərbaycana
qarşı qətnamə qəbul edilməsi məsələsi Fransanın təşəbbüsü ilə irəli
sürülmüşdü. Amma Qoşulmama Hərəkatının
üzvlərinin qətiyyətli mövqeyi sayəsində Fransa
və Ermənistanın istəkləri reallaşmadı. Azərbaycanın haqlı mövqeyi müdafiə
edildi.
İyulun 5-də Bakı Konqres Mərkəzində Qoşulmama
Hərəkatının Əlaqələndirmə Bürosunun nazirlər görüşündə cənab prezident İlham
Əliyevin çıxışı bütövlükdə Azərbaycanın sədrliyi dönəmində təşkilatın fəaliyyətinə
həsr edilmişdir. Fransanın Avropadan kənarda idarə etdiyi ərazilərin fransız
müstəmləkə imperiyasının iyrənc qalıqları olduğunu bildirən dövlət başçımız
Fransanın soyqırımlarla dolu hakimiyyəti dövründə 1,5 milyona yaxın əlcəzairlinin
qətlə yetirildiyini diqqətə çatdırdı.
Özünü
hüquq müdafiəçisi kimi qələmə verməyə çalışan Fransa hələ də başqa dövlətlərin
daxili işlərinə qarışır. Fransa öz mənfur siyasətini Qafqazda da həyata keçirməyə
çalışır. Ermənistana yalan vədlər verməklə dəstək nümayiş etdirən Fransa Azərbaycana
qarşı düşmənçilik siyasəti yürütməkdən belə çəkinmir.
Bu yaxınlarda 17 yaşlı Əlcəzair əsilli
yeniyetmənin fransız polis tərəfindən qətlə yetirilməsi Fransanın
demokratiyadan , haqq və ədalətdən nə qədər uzaq olduğunu, separatizmi,
terroru dəstəkləyən bir dövlət olduğunu göstərir.
Bu gün Azərbaycan öz ətrafında böyük və önəmli
müdafiə şəbəkəsi formalaşdıra bilib. Ölkəmizi müdafiə edə bilən 120-yə yaxın
dövlət formalaşıb ki, bu da Azərbaycanın gücünə güc qatır. Əminliklə deyə bilərik
ki, Azərbaycanın əldə etdiyi uğurlar genişlənəcək və dövlətimizin nüfuzu daha
da artacaq.
Zülfü Quliyev,
Xocalı rayon Yaloba kənd tam orta məktəbin müəllimi