Yurdumuza Bahar gəlir. Milli huhumuzu, adət-ənənəmizi özündə tərənnüm edən elimizin əziz Novruz bayramı gəlişi ilə bizə sevinc hissi bəxş edir. Xalqmız Novruz bayramını bu il təntənə ilə, böyük coçqu ilə qeyd edir. Çünki Novruz tonqallarımızı artıq işğaldan azad etdiyimiz torpaqlarda qeyd edirik.
Hələ bir neçə il bundan əvvəl "Bizsiz Qarabağa bahar gəlməsin" adlı şeir yazmışdım. Bu şeirimə tənqidi yanaşanlar nə üçün öz torpağımıza bəddua edirsən deyirdilər.
Məni qınamasın ellər, obalar,
Bizsiz Qarabağa bahar gəlməsin.
Olsa da yurduma bu bəddualar,
Bizsiz Qarabağa bahar gəlməsin.
Şükürlər olsun ki, torpaqlarımızı xalqımızın həmrəyliyi, Ali Baş Komandanın dəmir iradəsi və Xilaskar ordumuzun gücü ilə işğaldan azad etdik. Artıq Qarabağ torpağı həvəslə, yeni ruhla bar verir.